ارسلها الان

دايما لما اروح من شغلي وقبل حتى ما اغير اواعي شغلي بشغل الكمبيوتر عشان اشوف الايميل طبعا انا مش رجل اعمال بس فضول عندي وما بدي اطول بالكلام بلاقي وصلني كم بريد دعاية وكم منتدى بحكيلي مشان الله ادخل عنا او اشتقنالك او من زمان ما دخلت وبمناسبة الموضوع هاد وبصراحة نفسي منتدى عربي يبعثلي رسالة يحكيلي فيها تم الغاء عضويتك بسبب عدم الدخول المهم مش هاد موضوعي الي بدي احكي فيه الصنف الثالث من الرسائل الي بتوصلني ع الايميل والي هيه رسائل الي بكون فيها حديث او دعاء او او او او

وقبل كل شي انا ما بنتقد هذه الرسائل ابدا وانا معها

انا بس الي بجلطني اخر الرسالة الي بحكي فيها يلا ارسها هسا وببلش حسابات وانا بحكيلك كلامك صحيح في موضوع الحسنات ولكن هذا الموضوع مش انا ولا انت الي بنحدده وبعدين انا سألت فيها اكثر من رجل دين وكان جوابهم انو فيها اثم يقع على المرسل وهو إلزام الناس بما هو غير ملزم

انا بشكر كل شخص ارسلي مثل هذه الرسائل ولكني برجوه ما يرسل كلمة ارسلها الان او شوف من اقوى انت ولا شيطانك وا او او او او او

تحياتي للجميع